किलबील
घंटा झाली, शाळा सुटली
वर्गा वर्गाची दारे उघडली
रडके हसरे चेहेरे घेऊन
मुले मुली बाहेर आली ॥१॥
आई धावली मावशी धावली
बाबा काका मागे राहिले
आपले नेहमीचे सवयी चेहेरे
सर्व चिमुकले शोधू लागले ॥२॥
आज शाळेत काय झालं
आया ताया विचारू लागल्या
सर्व चिमण्या उत्सुकतेने
एक सुरात किलबिलू लागल्या ॥३॥
प्रार्थना शिकवली, गोष्ट शिकवली
आकडे शिकवले अक्षरे शिकवली
नाच झाले, गाणी झाली
खूप खूप धमाल आली ॥४॥
चित्रे काढली, खाऊ खाल्ला
डबा मात्र नाही खाल्ला
नंतर मात्र आम्ही सगळ्यांनी
मस्तपैकी केला कल्ला ॥५॥
कोणत्याही टिप्पण्या नाहीत:
टिप्पणी पोस्ट करा